شعر از کاک ناصر اخدر (16)

مارانی

( مارانی) پیریم ئامان وه که‌مین                    جوانیم لوا چه‌نش که‌ردا قین

دوور بای جیایی که‌وته‌ن به‌ینما            من دل‌ته‌نگ تو شاد چوون جاری جاران

تو مه‌سروور سرمه‌ست چه‌نی نازاران        من ته‌نیا و بی‌که‌س جه گوشه‌ی شاران

تو ره‌ندان مه‌یان جه لات مه‌نیشان                 منیچ هامرازم غه‌مه‌نو و هجران

تو دلگیر په‌ری مه‌یخانه‌ی دلان               مه‌یان سه‌یرانت شیرین جه مالان

چن که‌س وینه‌و من نیانت نه‌چال        ویت هه‌ر باقینی بی غه‌موو سه‌رحال

(ناسر) نمه‌یوه ویه‌رده‌ی جاران       په‌ی تو نه‌مه‌نه‌ن سه‌یرو و هه‌واران

شعر از کاک ناصر اخدر (15)

بینایی چه‌مانم

      ئه‌ی بینایی چه‌مانم عه‌زیز ته‌ر جه باوانم         

                                               په‌ی تو په‌شیوه‌ن حالم دیوانه‌و بی‌قه‌رارم

      ئازیز به عه‌شقی بالات ئه‌سیروو گرفتارم    

                                                           فه‌دای ده‌سو و تیرت بو و چه خاس که‌رده‌ن شکارم

     ئاویر وه‌ر بیه‌ن جه‌سه‌م بریان سه‌برو و قه‌رارم  

                                                         سه‌بروو ( ئه‌یووبی ) هیچه‌ن په‌ری ئیشو و ئازارم

      ویل ویل مه‌گیلوو په‌ی تو چون قه‌یسی سه‌گه‌ردانم   

                                          ده‌ر به‌ده‌روو بی ماوا ئاواره‌ی بیابانم

      (ناسر) شیتو و شه‌یداته‌ن شوخه‌که‌ی وه‌ش نیگارم   

                                               ئینسافت بو باوانم تا که‌ی سزا و ئازارم

شعر از کاک ناصر اخدر (14)

هاواروو ناله‌ی بولبول په‌ی گوله‌ن          وانای سه‌حه‌ریش زوخاوی دله‌ن

ئیمه‌یچ ناله‌مان وینه‌ی بولبوله‌ن           ناله‌ی هه‌ردوومان ده‌رده‌که‌ی دله‌ن

(ئاد) شیتوو شه‌یدای روخساری گوله‌ن           منیچ په‌ی ئازیز جه‌رگم ول وله‌ن

(ناسر) ناله‌تان خو بیحاسله‌ن                 نه په‌ی تو ئازیز نه په‌ی ئه‌و گوله‌ن

 

 

شعر از کاک ناصر اخدر (13)

ماچان بو توبه که‌ره ئیتر باده مه‌وه‌ره            لوه ته‌کیه و خانه‌قا ته‌قازاو عه‌فوی که‌ره

راسش فه‌رماوان (قانع) شاعیری ژیروو زانا        هه‌ر ته‌کیه‌و خانه‌قا بیه‌ن باعیسوو نه‌زانیما

من ماچوو هه‌زار توبه چا توبه‌یه که ماچا           سه‌دان ته‌کیه و خانه‌قای فیداو جامیه باده‌ی با

(ناسر) تا حه‌یاتش هه‌ن چه‌نی باده‌ی سه‌رحاله‌ن        یا شیخ ته‌کیه و خانه‌قات خورافاته‌ن به تاله‌ن

 

 

 

شعر از کاک ناصر اخدر (12)

 نیشانه‌ی ئه‌سلوو نه‌سه‌ب  ئارو بیه‌ن سه‌رمایه       بی ئه‌سلوو نه‌سب مه‌نه‌ن هه‌رکه‌س نیه‌نش مایه

گه‌ر عه‌لامه‌و ده‌ هری بی نیه‌نت پله‌و پایه             خزمه‌ت جه جامیعه‌نه سه‌روه تی که‌رده‌ن زای

هه‌رچه‌ن پاکوو بی عه‌یب بی ژیوی به فه‌قیرانه                    داستانه‌و به‌د نامیت گیلنا یانه به یانه

به‌لام ئه‌رده‌وله‌مه‌‎ن بی خاسیت نه‌بو یه‌ک دانه                ریزوو ئیحترامت هه‌ن جه لای قه‌وموو بیگانه

(ناسر) مه‌که‌ر سکالا یه‌قین ئا نه‌ی بزانه                 هه‌ر جه ئه‌زه‌ل پاسه بیه‌ن به‌زموو ره‌سمی زه‌مانه

 

 

 

شعر از کاک ناصر اخدر (11)

کی په‌ی هه‌ژاران جه‌رگش ریش نه‌بو؟      ئه‌گه‌ر بوبیشه‌ک ئاد به‌شه‌ر نه‌بو

با وه‌رمی وه ‌یاد که‌لامو و (سه‌عدی)          چ شیرین واته‌ن په‌ی گردو وعه‌بدی

به‌نی ئاده‌می ئازاشان جه یون                 جه ئافه‌رینش گه‌و هه‌ر شان هه‌ر یون

هه‌رکام جه ئازا بوینان ئازار                   ما باقی ئازا نه گیران قه‌رار

(ناسر) په‌شیوه‌ن په‌ری هه‌ژاران              هوناو نه‌دیده‌ش مه‌یوچوون واران

 

 

شعر از کاک ناصر اخدر (10)

یاران نه مه نه ن وه شیه که و جاران           سه فا و سه یرانوو کونه هه واران

بووکو و مارانی وهانه سواران                   سه یرانشا وه ش بی چه نی نازاران

نیشینمی به شاد شه و تا که به یان            به که یفوو ئاهه نگ دوور جه ناکه سان

ئیسه چه رخه که ی نا مه ردی ده وران         ته فره قه ش وسته ن به ینوو ره فیقان

هه ر کام به جووریه گرفتار بیه ن                     یادوو هام فه ردا جه لاش ویر شیه ن

(ناسر) نمه یوه ویه رده ی جاران           هه ر حه سره ت مه نه ن په ی دوسوو یاران

 

 

شعر از کاک ناصر اخدر (9)

پاییز

هه‌ر چه‌ن که پاییز وه‌رزی خه‌زانه‌ن   

                                              زه‌ریفوو دلگیر گردوو فه‌سلانه‌ن

سیمای ته‌بیعه‌ت سوه‌یلی ره‌شته‌ن     

                                          کالای ره‌نگاوره‌نگ و بالاش پوشته‌ن

سه‌ر سامه‌ن عاله‌م وه‌ی نه‌قشو و نگار  

شیرینه‌ن شیوه‌ی پاییزی غه‌مبار

نه‌قشی (نه‌قاشی) بی هه‌متای فه‌رده‌ن

پاییزش وه‌ی ته‌ور نه‌قاشی که‌رده‌ن

فه‌سله‌که‌ی ره‌نگین باده نوشانه‌ن 

    مه‌رهه‌می زامی ده‌روون ریشانه‌ن

(ناسر) فورسه‌ته‌ن نه‌ی فه‌سلی پاییز  

به‌هه‌شتیه ساز که‌ر تو چه‌نی ئازیز

شعر از کاک ناصر اخدر (8)

دیه مه‌س

ئه‌ی شوخه‌که‌ی دیه مه‌س                     نو نه‌مامی تازه ره‌س

وه‌شه‌ویس جه‌لای گر که‌س                  من بیکه‌س توم هه‌نی که‌س

به نیم نیگای دیه‌ی مه‌س                      دل بی دیوانه‌ی سه‌ر مه‌س

سوچیا بی تو زی قه‌قنه‌س                      په‌ی تو گیانش دا جه‌ده‌س

(ناسر) ئیتر وه‌سین وه‌س                        په‌ریت بو عبره توو ده‌رس

مه‌که‌ر سه‌یری دیه‌ی مه‌س           نهی راه کوشیان سه‌دان که‌س

                                           

                          

شعر از کاک ناصر اخدر (7 )

                                                       خه‌یام

 به‌ بی دلبه‌رو و باده ژیوای به‌رده‌ی سه‌ر هیچه‌ن

  به بی سوزی شمشالو و نه‌وای نه‌ی ته‌مه‌ن هیچه‌ن

سه‌ر به‌رزو و ئازاد ژیوه چوون عاقیبه‌تت کوچه‌ن   

        به سه‌ر وه‌شی ویاره‌ش گه‌ردون به‌ربادو وهیچه‌ن

   ساقی جه‌فای زه‌مانه نمازوم بی غه‌م یه‌ک ده‌م   

        هانام وه‌لای تو ئارده‌ن ده‌خیله‌ن باره باده‌م 

   

شعر از کاک ناصر اخدر (6 )

                                          پیری 

         پیری جوانیم به‌رده‌ن وه فه‌نا              تومه‌که‌ی مه‌ینت نه‌ده‌روون شانا

      شیرازه‌ی جوانیم شیوناوه هه‌مدا            ئه‌یشه‌ن ئازاره‌ن نه‌توی ده‌رووندا

     ئه‌لفی قامه‌تم چون که‌مان چه‌میا             جه‌لام نه‌مه‌نده‌ن هیزو ته‌وانا 

       چه‌م ته‌مو تاریک بیه‌ن نابینا                نه جای روشنایی تاریک مه‌وینا

      شنه‌واییم په‌رده‌ی بیده‌نگیش پوشا        نه ده‌نگی ئاشنان نه غه‌یری ئاشنا

    هه‌ناسه‌م حه‌بسه‌ن نه‌توی سینه‌مدا          ئازام مه‌له‌رزان نه‌سه‌ر تا وه‌پا

    غه‌مبارو دلته‌نگ بی که‌سو ته‌نیا             په‌ری حالی ویم به‌زه‌ئیم ئاما

       بیزارم جه ویم بیزار جه دونیا              بیزار جه ده‌ردی سه‌ختی بی‌دوا

      ( ناسر ) جوانیت بارش که‌رد لوا            پیریت سه‌رباره‌ن زوو بازه‌ش جیا

شعر از کاک ناصر اخدر (5)

                                         کوسالان

   یاران کوسالان شیرین رازیانه‌و            

                                                  سپاو گورالان خه‌یمه‌شان دانه‌و

  کالای ره‌نگاوره‌نگ نه‌ته‌ن پوشانه‌و  

                                             به عه‌تری وه‌شبوی گولان شوریانه‌و

زه‌ریفو و دلگیر ویش نیشان دانه‌و 

                                           سه‌ر‌ به‌رزوو سه‌ر سه‌وز ویش ونارانه‌و

باده‌ش نه‌جامی وه‌هار نوشانه‌و  

                                            گره‌و جه مه‌ستی مه‌ستان سانانه‌و

گوزه‌ر په‌ی سه‌یران یاران که‌رده‌نه‌و 

                                           چوون هه‌ر ده‌جاران وه‌شیش ئارده‌نه‌و

( ناسر ) وه‌ یادی سالی جارانه‌و    

                                            مه‌رده‌ن به تاسه‌ی ئا کوسالانه‌و

شعر از کاک ناصر اخدر (4)

                                           وه‌هار‌          

وه‌هاره‌ن فه‌سلی سه‌یران و گه‌شته‌ن 

         هه‌رکو مه‌وینی ماچی به‌هه‌شته‌ن

ئه‌ر که‌شه‌ن ئه‌ر کون ئه‌ر سارا و ده‌شته‌ن  

         شیوه‌شان ره‌نگین گورالان ره‌شته‌ن

عه‌تری وه‌شبو‌شان نه‌گرد جاوه شته‌ن            

      باده‌شان نه جام  نه‌و وه‌هار چه‌شته‌ن

ته‌بیعه‌ت زه‌ریف سه‌ر وه‌شو مه‌سته‌ن        

       چوون بالای ئازیز شوخی نه‌و ره‌سته‌ن

مه‌رهه‌می زامی ده‌روونی سوته‌ن     

               ده‌رمانی ده‌ردی دله‌ی کوس که‌فته‌ن

نه‌قشی( نه‌قاشی ) بی‌هه‌متای فه‌رده‌ن  

        وه‌هارش وه‌ی ته‌ور ره‌نگ ره‌ژی که‌رده‌ن

( ناسر ) وه‌هارش پاییزی زه‌رده‌ن   

                  سه‌فا و سه‌یرانش هه‌ر ئاخوو ده‌رده‌ن

شعر از کاک ناصر اخدر (3)

      فه‌له‌ک

       فه‌له‌ک چه‌رخه‌که‌ت چون ژاری ماره‌ن

                                                    فه‌لسه‌فه‌ش نیشه‌ن ئیشه‌ن ئازاره‌ن

       ده‌رده‌ن مه‌ینه‌تن هوونه‌ن  هووناوه‌ن

                                                    ره‌نجه‌ن حه‌سره‌ته‌ن  زوخه‌ن زوخاوه‌ن

       کوگای داخانت وه  جه‌سته‌م باره‌ن

                                                    نه‌ هه‌ن جای خه‌لاس نه  رای فیراره‌ن

       سکالای (ناسر) ناله و  هاواره‌ن

                                                     ئه‌سیری ده‌ستی چه‌رخی ناباره‌ن

 

 

شعر از کاک ناصر اخدر (2)

                                             (سورانی و هه ورامی )

     ئه ی با وا نی با وانم بوچ نا پرسی له حا لم     

                                         دا جا ریه په رسه حالی دله ی سوته ی زوغالم

      به نازی چاوه کانت بوچ ده مکوژی باوانم        

                                         فیدای نازووچه مه کات ئه ی بینا یی چه ما نم

     خستمت داوی عه شقت ئه سیرو و گرفتارم

                                     فیدای ده سو و تیرت بام چ خاس که رده ن شکارم

    گیا نه دیوانه ت کرد م مه جنوونی سه رگه ردانم  

                                     ویل ویل مه گیلوو په ی تو به رزه ن شینو و هاوارم

    ئاگرت به ردا له گیانم سووتامو و بریندارم    

                                      سه بروو ئه یووبی هیچه ن په ری ئیشو و ئا زا رم

    ئازیز سویند م به گیانت نیه خه تاو تاوا نم       

                                     په ی چیش وه فا ت بی جه فا ئه ی باوانی با وا نم

 

 

شعر از کاک ناصر اخدر (1)

                                  (وه ته ن)                                  

وه ته ن روحوو من بینایی چه مان

یادگا ره که ی بابه و با پیران

عه شقی تو وه ته ن جه دل جا گرته ن

نمه شی نه یاد تا وه روی مه رده ن

خاکوو خوله که ت نوقله ن نه باته ن

ئاوو هه واکه ت مایه ی حه یا ته ن

وه ته ن ئه ر وه سفت من که روو به یان

زوانوو قه له م نیه ن شان ته وان

هه ر کوت مه وینوو ماچی به هه شته ن

ئه رکه شه ن ئه رکون ئه رساراو ده شته ن

به رزی کوسارت جه سه رتا دامان

به سوورهه راله و چنوور رازیان

هانه سوارانت قه دیم هه واران

فه ره ح به خشی دل دوسانوو یاران

چه مه ی سه رچه مه ت چه مه ی که وسه ره ن

نه عمه ته ن گه نجه ن ته لاو گه و هه ره ن

مارانیت مه شهوور شای هه وارانه ن

سه یرانگای دلگیر پیروو جوانه ن

هه واروو( بووکیت ) به رزه هه واره ن

زه ریفوو دلگیریه کجار نازاره ن

کوسالانه که ت سه ر به رز دیاره ن

مایه ی شانازیو هه م افتخاره ن

وه ته ن هه رشاد بی تا ئاخر زه مان

ئاگادارت بو زاتی لامه کان 

 (ناسر) تا زنده ن هه ر گیان فیداته ن

روحش قوربانی خاکی ئه علاته ن

 

 تشکر از کاک ناصر به خاطر شعر زیبایی که برای وبلاگ فرستادند